5個月啦~

張小B已經响我肚肚20W 啦, 10個月既懷孕期已經過左一半, 越來越期待小B

出世既一刻...

最近每一日都會感覺到肚肚有卜卜跳既感覺, 有時會好密咁跳幾下, 尤其晚飯後

坐定定睇電視時, 會持續2-3分鐘, 有時會有一下好強烈, 好得意架, 相信係小B响入

面搞搞震, 真係好想知道佢做緊咩....試過一次臨訓前小B爸摸住我個肚同小B傾計,

個肚就跳左一下, 唔知係唔係小B回應爸爸呢?

依幾個月真係要多謝小B爸, 屋企既大小家務, 小B爸都爭住幫我做, 每晚臨訓前都

一邊幫我揸肚紋膏,一邊同小B傾計, 因為我怕抽筋, 所以又會幫我按腳, 望住小B爸

對自己咁溫柔, 真係覺得好幸福....

小B爸, 好多謝你, 我同小B都會好愛你!!!



20W身體變化: 肚圍有37吋, PATPAT大左3吋(幾多吋唔好講啦, 太嚇人)

威院產前檢查 (一)

10月20...去威院CHECK UP, 小B爸返工前車我去, 因為政府醫院既檢查都好簡單,

所以唔洗小B爸請假陪我..

等左個半鐘, 第一次見政府醫生, 都係聽下心跳, 今次小B既心跳比上次清楚, GOOD~

心跳聲都可以咁動聽, 緊係啦, 係我小B既心跳聲WO~

醫生問我有冇响私家約時間做結構檢查, 我呃佢話冇, 佢就幫我約响醫院做,

就咁慳左1600蚊啦, 為左小B第日有更好既生活, 唔講大話唔得, 真係唔好意思~

最後我問醫生我既情況, 佢話一切正常, 太好啦!!!, 最鐘意依句'一切正常'~

19W體重56KG, 比懷孕前重左3KG

個肚都明顯大左啦, 証明小B响我肚肚度一直長大~

張小B的第一份禮物

小B姑姐岩岩去完旅行, 買左手信俾我地, 連小B都有份AR..

小B收既第一份禮物就係性感裙仔兩條, 好靚架....

但搞笑既姑姐都未知小B係小B仔定小B女就只係買左裙仔..

冇所謂啦, 姑姐咁有心, 就算係小B仔, 都要著黍影左相留個紀念..

好多謝小B姑姐呀!!!