1歲生日會

FB1103媽媽會有1歲生日會
小Me都有參加
地點係柯士甸道YMCA CLUB

俾小朋友玩既地方唔多
最近鐘意自己行來行去既小Me
個場地真係唔岩佢

要佢坐定定聽司儀講野...no way
要佢企定定睇人玩遊戲...no way

所以當日非常唔合作
加上訓唔夠
勁扭計
勁失禮

第一次參加爬行比賽
未開始已經訓响地扭計
最後要抱離現場
免得阻住其他合作既小朋友

初初去到, 都仲好合作
司儀上講野會拍手
不過只係維持左3分鐘

HimHim哥哥都有參加
HimHim好乖, 唔會扭計

有得俾佢行就最開心

玩左半日, 未完場已經訓左
小Me媽同小Me爸都散左~

會行啦

13個月大既小Me識行啦~
之前日日都要拖住小Me媽隻手通屋行
依家就自己行出行入
小Me爸放工返來仲會走去門口攬住小Me爸
真係sweet到暈呀! (小Me爸心聲)

拎埋個手袋仔 (睇下小Me幾師奶仔)

行去門口去街街

前兩日仲識得自己按住地下企起身
依個動作做左幾次
小Me媽睇住佢成功左
真係好感動(想喊架)

不過小Me好奇怪
先識扶住行, 後識爬
先識放手行, 後識企起身
跟同齡既小朋友唔一樣

不過點都好
要識既始終都會識
冇得迫, 又唔洗急

唔再係baby啦
唔洗人抱啦
距離跟小Me媽跑跑跳跳既日子又近左一步啦!!!!!!!!!!!!

復活節假期

今年復活節小Me爸有4日假期
頭兩日天氣都不是太好
所以冇戶外活動

第3日就去左沙田snoopy land

有得周圍行就最開心~

遇到HIM HIM, 好有緣~

第4日天氣好, 去濕地公園

笑到唔見左對眼~

全程有7,8成路都要自己拖住行

依個表情真搞笑..(享受中???)
濕地公園入場費成人要30大元, 入面睇既野又唔多
都係花花草草, 所以覺得好貴
短期內冇咩特別都唔會再去~

齊齊一歲生日會

4月1日愚人節去參加齊齊生日會
小Me當日玩得好開心
不過小Me唔多同其他小朋友玩
可能仲細, 未識交流
對玩具又不感興趣
只係不停拖住小Me媽周圍行

小Me親手送份小禮物俾朋友仔

一齊玩啦

有好多玩具

第一次玩, 又唔驚wo, 肯爬~

有波波池~

仲有bb過山車, 一玩就愛上, 玩左好多次~

不過最鐘愛都係波波, 仲識講'波波'啦~


post出既今日先係齊齊正日生日
祝齊齊生日快樂, 快高長大, 健健康康, 無時無刻都開開心心笑哈哈~