Ocean Park

小Me爸因為轉左工
所以有一個星期假期
於是就同公公婆婆帶小Me去一轉ocean park

連落左幾日雨
太陽伯伯終於出來
仲要好精神
陪左我地全日

小Me第一次去ocean park

好多fish 呀~~~
小Me會合埋兩隻手做fish游水既動作~

第一次玩木馬
可惜只可以坐包廂
木馬只係坐上去影相><

天氣太熱又太曬
小Me全日都呆呆
笑容不多~

第一次坐吊車
掛住食, 都唔知發生咩事

睇海豚~
但海洋劇場既表演冇以前咁精彩
小Me媽都睇到冇心機
難怪小Me坐唔定~

小Me仲細
未知道海洋公園係咩地方
所以要再等佢大d
識得玩識得睇先可以再帶佢去lu

期待下次去到門口時
小Me會"嘩~~~~~!!!"

父親節2012

今年父親節小Me都仲未知係咩一回事
所以冇特別慶祝
不過點都要做少少野tum下小Me爸
於是平平地買左支水彩同小Me做父親節卡

初初點都唔肯掂d水
試印左一次就好鐘意
預左玩水彩會污糟
所以由佢自由發揮

經小Me媽引導下先可以完成一張簡單
但有心思既第一張父親節卡

爺爺同公公都有份架...

父親節快樂!!!!!

戒奶咀

上星期小Me咀唇有粒水泡仔
小Me媽擔心個奶咀唔乾淨會有影響
而且個奶咀已經用左一段日子
諗住買過個新奶咀
但小Me爸話不如趁機戒左佢啦
所以小Me媽就下定決心當晚唔俾奶咀小Me

day 1
訓上床後, 因為冇奶咀, 所以未有意識要訓覺
唱歌拍手左一陣開始有睡意
不停叫'媽媽', 示意要奶咀
小Me媽唯有用歌聲分散小Me
最後唔算好扭計, 用左50分鐘, 拍住訓左
但......關鍵係半夜札醒
2:00am 醒左扭要奶咀
又暗又拍都搞唔到
從來未見過小Me喊得咁淒涼
明明好想訓, 眼仔都打唔開
但就因為冇左個奶咀而訓唔著
終於大喊左1個鐘之後抱住訓返
好彩之後冇再醒, 一直都天光
不過就比平時早左起身

day 2
午睡都係拍下拍下就訓左
夜晚上床後又再一次唱歌拍手
今次都有叫'媽媽', 但係示意唱歌佢聽
之後响床度碌左一陣
見佢開始想訓, 就拍下佢
咀仔都會'梅下梅下', 但冇扭
好快就訓左
半夜仍然有醒, 不過拍兩拍就訓返
冇再大喊啦

day 3
午睡大有進步
响婆婆家都可以唔揾奶咀
拍兩拍就訓著
夜晚去完街返家途中已經訓左
放落床都冇醒
但小Me媽沖涼期間就醒左
出到黍見佢喊得好淒涼
小Me爸點暗都唔得
想抱佢都推開
最後一見到小Me媽就收聲兼訓返
當晚一覺訓天光
(由唔知幾時開始訓覺一定要見到媽媽)

之後既日子可以話成功左一大半
眼訓時唔會再扭計要奶咀
唔洗再要奶咀先訓得著
半夜札醒都唔會因為冇奶咀而喊
不過仲未可以一覺訓天光
有時都要起身拍下先訓得返

啜奶咀訓覺既小Me都幾可愛

向曾經可以令小Me家安寧既奶咀say 'thank you & goodbye', 屋企已經再冇奶咀嚕~

戒奶咀依項工程總算完結
所需時間比想像中短 (只係第一晚辛苦)
其實小朋友既適應力好強
只係我地做大人既唔忍心而唔夠堅定
第一晚見到小Me好可憐
真係想放棄, 好彩小Me爸阻止
始終都係要為左戒奶咀而淒涼一次
不如早d喊左佢
起碼佢依家喊完, 第二朝都唔記得咩事

戒左奶咀之後, 希望小Me可以訓得好d
唔再晚晚都因為冇左個奶咀而醒...

後記:
其實每晚睇住小Me訓响床度唱歌拍手,
複習自己學識講既說話
有時仲會傻笑,  都幾得意
依家佢有睡意既時候仍然會叫'媽媽'
不過係示意小Me媽拖住佢隻手仔

Gathering@黃埔playhouse

又同blog媽媽s gathering 啦
今次約左去黃埔playhouse
地方唔大, 而且有好多小朋友
小朋友們仲要玩得勁開心
所以對於我地既小bb們就太危險啦

一去到見到一地波波就興奮

鐘意玩波, 但唔鐘意波波池, 因為行唔到><

睇住D波波噴出黍, 好新奇

好努力咁爬~

幫人執返D波入波波池~(俾錢入去打工?!?!)

仲要做埋苦力~

跑步機新玩法: 坐上去, 小me爸推...(爸爸, 唔該俾d力推快d啦)

明明係兔兔車, 但小Me坐上去騎馬馬咁un un un..

估唔到小Me鐘意玩依個, 唔怕撞, 行來行去, 玩左十幾分鐘~

黃昏後冇咁多人, 可以玩得free d...(同Abby各有各玩, 零交流)

玩左成個下午都冇訓過覺, 真係好開心..
離開之後,小Me爸抱住唔夠10分鐘就訓左
放左一日電, 一家三口當晚唔夠12點就做左豬了.....

可惜, 今次gathering冇影大合照呀!!!!