第一次見到小B@Dr.Wong

2010年7月30日 - 第一次檢查比預約時間早左一個星期,原因係昨晚半夜見紅了,嚇得我整晚訓唔著, 負面影象一一出現在腦海,好擔心事件重現, 好辛苦先等到天光, 洗個臉後坐响床邊發呆了好一會先換衫返工,但返公司前, 去左揾李醫師, 佢一直用好慈祥既語調叫我唔洗擔心, 叫我即日約時間去照一照, 唔好自己亂估...我聽佢講返到公司之後見診所開診時間一到就打去預約,姑娘即刻幫我約到11點半, 整理好公司野後同BOSS講句唔舒服去睇醫生就走人, KEN生都揾個藉口離開公司陪我去, 去到診所唔洗等已經到我, 一見到醫生,我急不及待話佢知我見紅既情況,但佢要先了解我上次件事 (因為上次經威院檢査確定回復正常後, 我都冇返去DR. WONG度做檢查),之後佢就叫我上床照下,開頭只係見到胎水, 我就諗點解胎水入面冇野既, 後來DR放大畫面我先見到小B, 只有1.26cm, DR仲問見唔見到閃閃下, 就係小B既心跳仔啦, DR話一切正常, 見紅可能係輕微作小產, 休息多D就可以, 唔係大問題,聽到DR咁講, 我個心定左好多...

7w1d既小B~

一直期待既張小B終於降臨到我身體入面, 果一刻雖然冇感動得要哭出來,但感覺有點兒唔真實, 望住KEN生唔知講咩好....因為古代既一個說法令我地都唔敢太過興奮,一直都將心情保持水平線, 緊加冇想過要向任何人報喜, 為了小B, 我地都頓時變得八卦了........

張小B,

MAMA好感謝上天將你錫俾我, 由今日開始我會同你一齊努力, 會盡我一切能力, 戒掉所有對你唔好既食物, 飲品同行為去保護你, 要你健健康康响我肚子裡長大, 十個月後平平安安咁出黍同我地生活......要加油加油啊!!!