超聲波@Dr.Wong (37w)

踏入37w, 小B隨時隨地都會出世, 開始緊張啦

最擔心係作動既時候唔响屋企, 因為我仲有一個星期先開始放產假

所以我成日都會諗下响唔同既場合出現唔同既徵狀, 我要點處理

雖然好多野唔到我控制, 但俾定心理準備自己總好過到時不知所措

 

因為小B就快要出世, 所以去左dr. wong度睇一睇小B出世前既情況

37w既小B有3.1 kgs, 頭仔向下, 但dr.話偏右邊, 未入到骨

但明明健康院個醫生話已經入左骨啦, 點解會咁架

Dr. wong仲話依現時既位置出世, 順產會比較困難

又話咩情況都仲會發生, 即係轉返上去都可能會

唯一可以做既就係行多d向下既斜路, 等佢個頭仔會向下咁掉落去

咁我今個星期真係要行多d, 希望小B下星期個頭仔岩位先好出黍

小B個頭仔已經38w, 仲有佢個肚腩仔有40w

Dr.叫我唔好食甜野, 如果唔係就好難生啦

(我好想食心太軟呀~~~~~~~~~~~~~~

依幾晚比之前訓得好左, 夜晚只係起身一次去厠所

而且感覺熟睡左, 半夜會醒既次數唔多, 但第二日仍然好眼訓

可能係因為日日坐响公司冇野做, 太悶啦............

網上媽媽話扭patpat可以令盆骨容易開d, 到時易生d

我依家晚晚都會扭下, 希望真係有用啦!!!

健康院產前檢査(六)

今日健康院好多人呀, 平時一個鐘左右就走得, 今次搞左兩個鐘

不過幸運地我一切都正常, 所以量血壓, 聽心跳, 見姑娘都好順利好快完成

今次比上次重返少少, 36w3d - 65.1kgs

聽網上既媽媽講原來自己有機會有B型鏈菌球而冇徵狀,

而且對自己係冇害, 不過生BB時就可能會傳到俾BB,

所以我就同健康院姑娘講最近分秘物多左, 怕會有菌,

咁姑娘就俾我見醫生, 仲抽左D分秘做化驗,

佢肯幫我驗真係好啦, 如果唔係又要去私家俾錢驗

雖然隻菌傳染到俾BB都可以即時打針醫治

但預早知道, 個心始終安心D~~希望一切正常啦~

張小B, 雖然媽媽越來越期待快D見到你, 但你都唔洗心急架,

媽媽個肚肚又舒服, 又溫暖, 你响媽媽肚入面等多兩個星期,

食多D野, 再大隻D先出黍都未遲......

健康院產前檢査(五)

今次小B爸因為放假, 可以陪我一齊去做檢查,

但其實佢只係陪我去坐, 因為佢只可以响外面等…

 

血壓, 小便, 小B心跳都正常, 但我既體重就輕左少少 (64.7kgs)

姑娘話可能天氣暖左, 著既衫少左, 所以就輕左, 叫我唔洗擔心, 問題不大

我第一個諗法就係小B會唔會冇重到架, 不過我好明顯感覺到小B郁多左,

範圍都大左, 咁佢應該都長大左, 所以我又冇再諗lu, 只要醫生冇話有問題,

我都唔會俾冇謂既憂慮自己, 因為我好想小B係一個開心B…

 

34w3d, 醫生摸到小B既頭仔向下, 而且開始進入盤骨位,

所以我感覺到小B撐我既位置都低左, 冇再頂住我個胃,

但間唔中就頂到我下面, 搞到我有一兩下急尿既感覺,

有時仲會痛一痛…..

 

今次檢査完之後, 仲要聽埋個入院需知講座, 大約講下入院既程序,

走佬袋既用品, BB出世後既簡單護理…

之後姑娘俾返份紀錄我地, 叫我地帶住份紀錄响身,

我即刻有一個感覺就係自己隨時都要入院, 小B隨時都要出世…

 

直到現在, 我都唔覺得緊張, 但其實我係唔係真係一D都唔緊張呢 ???

 

小B用品&走佬袋

過年前已經將小B同自己走佬袋既用品買得7788,

仲買左個櫃將所有屬於小B既物品執好哂,

真係辛苦哂小B爸同小B姑婆咁辛苦搬個櫃返屋企…

小B既衫仔已經入哂櫃,

執完之後, 望住D衫仔有一種好強烈既感覺,

屋企將會多一位小成員

因為有一晚發左個好真實既夢, 夢見自己穿左羊水,

但又咩都未準備好, 非常緊張,

所以第二日我即刻執好個走佬袋,

依家就算小B真係要出黍, 我都冇咁緊張,

個心都定左, 訓都訓得安樂左~

 

送虎迎兔

今年新年假期由年三十放到年初七, 初八開工…

年三十食過團年飯之後, 同小B公公婆婆, 太公公, 太婆婆去左睇

‘我愛香港, 開心萬歲’, 雖然係無聊戲, 但笑位好多, 睇得好開心,

連小B都興奮左個幾鐘…..

 

 踏步兔年, 年初一到年初四到訪各親戚好友屋企拜年, 非常熱鬧..

小B都逗左唔少利是架~

唔少得小B爸同小B媽俾既利是, 祝小B健健康康, 平安出世

外出左幾日,年初五飲完午茶就留在家休息

年初六夜晚再出動去比比媽屋企拜年食飯

年初七同小B公公婆婆去左林村行一轉, 拋一拋許願樹, 祈求今年

闔家平安

8日假期完結, 期待出年龍年同小B一家3口去拜年…..

張爸爸, 張媽媽, 張小B祝各位兔年

身體健康,

心想事成!!!!