今次小B爸因為放假, 可以陪我一齊去做檢查,
但其實佢只係陪我去坐, 因為佢只可以响外面等…
血壓, 小便, 小B心跳都正常, 但我既體重就輕左少少 (64.7kgs)
姑娘話可能天氣暖左, 著既衫少左, 所以就輕左, 叫我唔洗擔心, 問題不大
我第一個諗法就係小B會唔會冇重到架, 不過我好明顯感覺到小B郁多左,
範圍都大左, 咁佢應該都長大左, 所以我又冇再諗lu, 只要醫生冇話有問題,
我都唔會俾冇謂既憂慮自己, 因為我好想小B係一個開心B…
34w3d, 醫生摸到小B既頭仔向下, 而且開始進入盤骨位,
所以我感覺到小B撐我既位置都低左, 冇再頂住我個胃,
但間唔中就頂到我下面, 搞到我有一兩下急尿既感覺,
有時仲會痛一痛…..
今次檢査完之後, 仲要聽埋個入院需知講座, 大約講下入院既程序,
走佬袋既用品, BB出世後既簡單護理…
之後姑娘俾返份紀錄我地, 叫我地帶住份紀錄响身,
我即刻有一個感覺就係自己隨時都要入院, 小B隨時都要出世…
直到現在, 我都唔覺得緊張, 但其實我係唔係真係一D都唔緊張呢 ???
我都34週啦,都覺得bb踢到好低呀
回覆刪除[版主回覆02/12/2011 15:27:00]係啦, 搞到我會痺一痺, 想去厠所.....
依家仲會响肚皮度見到佢撐左隻手仔/腳仔上黍, 好得意~
原來你34W啦~ 仲要小B入埋盤骨, 咁真係隨時會出黎呀! 買齊野未呀? 幾時開始放產假呀?
回覆刪除[版主回覆02/14/2011 19:04:00]已經35W啦....大致上都買齊, 但未開始洗野....
會放2後8, 3月7開始...你呢?
我諗住3月28日先開始放~ 前1.5, 後9.5~ 我而家32w! d野都未買晒~ 會加快步伐!
回覆刪除我想問入左盤骨位既感覺係點? (行路時會辛苦嗎) 我琴日檢查問醫生，醫生只係話bb 位置 ok ，冇講其他。
回覆刪除[版主回覆02/15/2011 23:32:00]我成日都有M痛既感覺, 唔知關唔關BB頭入左盤骨位事AR...
暫時行路未算好辛苦~