用尿布

小Me開始用尿布
朋友送既尿片已經用得7788
好多謝各位叔叔姨姨送既片片
小Me爸可以慳返d錢錢
為左環保, 又想小Me既patpat靚d
所以小Me媽一早就決定用尿布
用過一日之後都覺得幾好
patpat真係冇咁紅
吸水力都唔錯

不過就辛苦左小Me媽要好似亞信咁洗尿布
依幾日落雨
尿布好難乾
所以小Me都仲要用下片片
真係要諗個快乾方法先得
仲要快d習慣小Me肯"豆"住疴屎屎
咁就唔洗洗屎布咁麻煩

 

Day100

小Me一百日啦

整左個新髮型

由爺爺操刀

變身光頭波波妹

第一次坐火車

去沙田行街街

行完返屋企食蛋糕

不過有得睇冇得食

小Me, 媽媽祝你健健康康, 快高長大

日日開心笑哈哈

晚晚一覺訓天光

小Me生活習慣

小Me媽原本set好左個time table

諗住做全職媽媽後就訓練小Me飲食同作息要定時

但依個星期日日對住小Me

發覺其實佢自己已經有自己既一個time table

而且同小Me媽set既差唔多

milk time: 7am, 11am, 3pm, 6:30pm, 10:30pm

(會有30分鐘彈性時間)

食飽奶奶後會玩1-2小時

傾下計  唱下歌歌 

然後開始想訓覺

俾手巾仔佢一隻手揸住

另一隻手拖住小Me媽

再俾埋奶咀

就可以自己訓

我地會開住電視

等佢習慣有聲都訓得著

如果佢好眼訓

可以咩都唔要就訓著架

訓到差唔多食奶奶就會起身

到夜晚10點就會洗白白

然後食埋奶奶就放落床仔熄燈訓覺

好訓的話可以一覺訓到第二朝7點

唔好訓就會半夜醒一醒

不過俾返奶咀佢就會再訓

一星期有2,3晚會唔好訓架

每日小Me既生活習慣就係咁

都算幾有規律

小Me媽已經好滿意啦!

第一個父親節

小Me過第一個父親節

小Me爸第一年以爸爸身分過父親節

小Me媽冇任何預備

只係教小Me同爸爸講句父親節快樂

當然小Me講左都冇人知佢講咩呢

所以小Me媽教小Me用文字送俾爸爸

自己揸住筆筆 

小Me: 好難呀!

 

有小Me媽捉住手手寫  

完成!

祝爸爸第一個父親節快樂!

祝公公第一個以公公身分過父親節快樂!

厭奶?!?

近日小Me唔多肯食奶

之前每餐食5安

但依兩日食到3安就唔想食

左擰右擰  又用脷仔頂返支奶出黍

迫多兩迫仲嘩嘩叫

最多只係食到4安

唔知咁係唔係厭奶

餐餐奶都食成個鐘

最後我同小Me爸決定由得佢食得幾多得幾多

後來仲煲左開奶茶開奶俾佢飲

又好似食得好d  可能好味

希望消左滯  佢會食返多d啦





'依依呀呀'

唔知係唔係想叫爸爸唔好迫佢呢?

慶祝三個月

小Me三個月大啦

一家三口去左荃灣行街街



帶小Me去行玩具斗斗城

坐上個搖搖椅望到個公仔會郁有聲就笑

等媽媽得閒帶你去玩下啦



小Me, 你要快高長大, 身體健康, 日日開心, 笑哈哈!!!

生活照@3M

小Me開始學玩玩具

同bear bear係好朋友

訓醒要伸個懶腰先

每朝都要開一開聲




最鐘意食手手 食唔到就發忟憎

全職媽媽

由今日開始就係全職媽媽啦

可以日日由朝到晚都對住個囡

是好是壞真係仲未知道

但依份冇返工/放工時間

冇年假/病假

冇糧出既工

係我一直期待

但一轉左依份工

就唔可以好似以前咁想去旅行就去

想瘋狂購物就購

一個人揾錢三個人洗錢

真係要慳 慳 慳

輪狀病毒+HIB

今日帶小Me去食輪狀病毒疫苗+打HIB

依兩隻疫苗健康院唔包

所以要帶小Me去私家診所

去到診所 小Me訓左覺

當醫生 放支細細既疫苗入小Me口

小Me就醒左 初初仲左擰右擰

之後就乖乖咁食

仲好似啜奶奶咁

姑娘都笑

之後就訓上床打針

小Me媽負責按住小Me心口同手仔

姑娘捉住腳仔

醫生一落針

小Me喊到震哂 直到支針離開大脾

一抱起就冇事

姑娘同醫生都話小Me收聲收得好快

小Me叻叻

打針同食疫苗都好順利

乖~~~~

碌雞蛋

最近兩日小Me都唔多肯食奶

平時食5安 廿分鐘就KO到

但依兩日, 食到2安就開始扭扭擰擰

又用脷仔頂返支奶奶出黍

整到個咀仔同面仔都係奶

激C小Me媽同小Me爸

但又擔心佢係未有唔舒服喎

今晚餵睡前奶時

聽到佢肚仔有咕咕聲

懷疑小Me肚仔有風 所以食唔落奶奶

於是叫小Me爸烚仔雞蛋幫小Me碌下肚仔

小Me一邊碌一邊訓

唔知係唔係好舒服呢

希望今晚碌完 天日會乖乖食奶奶啦

三姊妹

小Me好幸福

未出世就已經有好多衫仔等住佢著

著到依家

 小Me媽都仲未需要幫小Me買衫

(除左小Me媽忍唔住手)

依條裙仔係同一條黍架

由Beatrice姐姐留俾Ivana姐姐再留俾小Me

老人家話

著哥哥姐姐留低既衫係一種褔氣

希望三個小妹妹都永遠幸福

永遠快樂

唔知佢地長大後會唔會好似三位媽媽咁

係好姊妹呢!

婆婆家渡假

因為小Me爸要返工, 冇人湊小Me

所以小Me去左婆婆家渡假一星期

而小Me媽有兩晚都返左娘家過夜

係結婚4年來第一次

真係難為左小Me爸要一個人睡

但有一晚小Me媽放低左小Me

返屋企可以大覺訓

真係唔記得有幾耐冇試過可以一覺訓天光lu

小Me响婆婆家住左5日4夜

都總算冇扭計

食奶同訓覺時間都冇打亂

睇黍以後小Me可以多d去婆婆家渡假

讓小Me爸同小Me媽可以休息下

第一個端午節

小Me第一個端午節

著靚靚返婆婆家做節

有太婆, 太公, 姨婆.....

個個見到小Me都好開心

加上係肥姨姨既農曆生日

同肥姨姨唱生日歌切蛋糕慶祝

不過小Me仲未有份食架

湊完熱鬧就要訓覺豬lu~

去party

今日小Me有兩個第一次

第一次參加Party

晴晴姐姐一歲生日會

第一次去麥當當

不過佢仲未知道邊個係麥叔叔

又未知道咩係薯條

所以去到都只係呆下呆下咁

佢係全場最細既小朋友

所以都好受歡迎

一去到就已經離開左我雙手

一個抱完又一個

好似係主角咁滿場飛

小Me唔理得咁多

有人抱就訓

唱生日歌時

我都有抱住小Me一齊唱架

不過我諗佢唔知發生咩事

哈哈

小Me好快就可以同姐姐一齊玩架啦

祝晴晴姐姐快高長大~~~

唱歌歌

小Me最鐘意望住掛响床個轉轉

仲會同轉轉隻貓貓傾計

有時開住音樂

佢會'un un 古古' 咁唱歌仔

唱唱下又會笑

朝早睇見佢咁既樣

真係幾眼訓都想同佢玩

入睡好方法

小Me依家眼訓會扭下計

有時要抱住訓, 有時俾咀咀自己可以訓

但有時就又要抱住, 又要咀咀先訓

但有一個方法係唔會扭計

唔洗抱住, 唔洗人'暗'

就連咀咀都唔洗要, 都可以自己訓著

{坐車車}

 

 

多謝一班叔叔姨姨送左架car seat俾小Me

小Me依家坐車有自己既私人位

上車冇幾耐就訓著左, 訓到要落車先醒

小Me媽唔洗再抱住佢

所以都可以坐車訓下覺

但小Me爸就要做司機, 冇得訓

辛苦哂!!!

小Me用手揸住咀咀

但唔識放入口