湊小Me已經湊左6個月
自問將所有心機都放哂响小Me身上
總結一下先...
每日4餐奶奶, 每餐180ml, 1st milk 7am-8am, tea time 3pm
dinner time 6pm-7pm, last milk 10pm-11pm
自從換左L size既奶咀, 5-10mins就ko, 真係餵得舒服左好多
4個月時已經開始試食糊仔
4個半月就代替左lunch time (11pm) 餐奶
5個半月開始就俾佢食粥仔, 頭兩日唔願食
可能未習慣或者係小Me媽煲得唔好味啦
第三日開始食到半碗, 依家可以食大半碗啦
而且食過多款唔同既食物...
南瓜, 蕃薯, 紅蘿蔔, 白蘿蔔, 菜芯葉, 蛋王(1/8), 豆腐 etc.....
根本上清淡, 冇油冇鹽, 水煮既軟身食物
小Me媽都會俾少少小Me試
香蕉, 蘋果, 麵包都有食過
到目前為止, 小Me咩都肯食
每晚小Me 10:30pm-11:00pm就上床訓覺
到第二朝7am-8am就醒, 但食完支奶响床度hea一陣又會再訓
訓到10am左右就起身
之後12:30pm同5pm就會小睡, 每覺大約1-2hrs
一開始小Me媽就堅持唔可以抱住訓
所以到依家只要俾奶咀, 小Me就會自己訓
不過夜晚好多時都唔可以一覺訓天光, 會醒, 但俾返奶咀又訓返
依家小Me媽俾埋毛巾仔佢攬住訓
希望好快條毛巾可以代替奶咀
便便根本上每日都有一次, 而且多數係3pm奶奶之後就去
但如果去左街就可能全日都冇便便
因為冇potty俾佢坐
由4個月開始, 小Me媽就俾potty小Me坐
初初要扶住, 仲要每餐奶之後都坐一次, 因為去既時間唔定時
後來小Me媽就一見到小Me有想去既意慾先俾佢坐
慢慢小Me就習慣同一個時間去
每日3pm奶奶後俾potty佢坐, 5-10mins就去到
小Me真係好叻, 因為用尿布, 唔洗小Me媽洗得咁辛苦
未識轉身, 小Me媽留意左幾次, 其實小Me應該轉到
但每次都係因為隻手阻住, 所以扒唔轉
唯有等佢再聰明d, 識得整開隻手先轉啦
識坐
識食腳趾
識拎起周圍既物件
識同人拜拜
有野食時識張開口
有人叫佢識得揾聲
聽到開門聲知道有人返會望門口
沖涼時識得拍水踢腳
用毛巾遮住佢面時識得用手扯開
知道影相會望鏡頭, 好多時仲會笑.................
仲有好多細緻野, 真係唔睇住佢長大都唔知佢每日都會識到新野
佢地學野真係好快, 有d野前一日都未識
但訓醒一覺第二日就識, 真係好奇妙
唔知幾時小Me訓醒覺會望住我叫'媽媽'呢...hahahaha~~~~
