打針@6個月

小Me 6個月, 又係時候返健康院做檢查+打針

體重: 8.14kgs 姑娘話算係大隻B, 不過未超磅, 非常好

依個評語對一個全職媽媽黍講真係A級啦

 之後俾小Me坐同企俾姑娘睇都pass

至於拎玩具, 唔test都知pass啦

因為一坐低, 小Me就係咁搞姑娘枱上面既野

仲係咁拍姑娘隻手,手多到不得了...

最後重頭戲就係打針

今個月要打3針, 真係諗起都肉赤

小Me媽完全唔敢望姑娘吉針

只係望住小Me, 不停講: 

'煦煦好叻叻喎, 1,2,3就打完啦'

吉完第一支, 喊到都未平伏, 第二支又吉落去

喊得勁淒涼呀, 睇見到心痛

轉大脾時都平伏左少少, 但第三針又到

打完出到去都仲喊緊, 噯左3分鐘左右先收聲

坐左10分鐘就離開, 小Me一上車仔好快就訓著覺...

今次算係喊得最耐既一次啦

不過訓醒一覺又冇事lu.....

今次係我第一次自己帶小Me去

健康院d姑娘好好, 知道我自己一個, 好快就幫我約埋期

唔洗我又再等, 打完針見我抱住小Me, 仲幫我拎袋出大堂

下一次再去就到1歲啦...

好似唔係好耐之後既事咁

好期待到時小Me會企會爬

但又唔想佢大得咁快wo.....