可能係就到3月18預產期, 但又冇動靜, 所以好緊張, 幾晚都訓唔好
小B爸落街買左野俾我食, 但我食左一半就嘔哂
個心唔安落左幾日, 所以我叫小B爸同我去醫院check下.......
我訓左一個鐘, 3點幾就出發去醫院
去到我同姑娘講好似滲羊水, 因為我已經有幾日勁濕
姑娘初步檢查話冇穿, 醫生再用手檢查, 都話冇穿
但拎去化驗之後就話係羊水, 即刻好擔心唔知穿左幾耐
因為驚太耐會受感染, 加上我發燒, 所以醫生話同我落產房催生
燒到38度,所以要隔離, 响獨立病房聽住胎心機個幾鐘
醫生再檢查, 原來已經開左1度, 我都feel到少少陣痛
醫生話幫我打抗生素, 暫時唔落催生葯, 俾我試下自己開
落到產房, d姑娘快快手咁响我身邊整黍整去
之後有另一個醫生話幫我落催生葯,我即刻話唔係可以俾我自己試開咩
個醫生call返病房個醫生, 之後病房醫生話BIBI心跳快
驚我拖得太耐, 所以建議我開刀
我聽到即刻話好, 好擔心小B有事
之後就一輪風險講解, 叫我簽名, 我都冇聽
去到手術室就係麻醉, 响腰骨位打3針, 以為會好痛, 又接受到喎
之後用冰袋測試個下腹位確定已經feel唔到痛, 但都feel到有野掂我
跟住我就只係訓响度望住天花板, 其實都感覺到下面有人搞搞下
最後feel到醫生响我胃個位置推左幾下, 就聽到BIBI喊聲
兩行眼淚忍唔住流了~~
姑娘俾我望左一眼, 但我其實睇唔到佢個樣
只係確定佢係小B妹....
感恩, 張小B响我肚肚住足40週, 平平安安黍到依個世界!!!!
張小B好可愛呀! 原來你咁驚險呀! 我想知落催生藥有咩唔好呀? 點解你咁堅持唔用呀? 如果係我都未必知自己穿羊水呀! 你好勁呀! 開完刀而家痛唔痛呀?
回覆刪除[版主回覆03/25/2011 22:31:00]催生葯係加快子宫收縮, 陣痛唔係逐級上, 辛苦好多架... 頭一晚痛到訓唔到, 要打止痛針, 第3日好好多~
你好呀, 我同你一樣都係開刀... 不過, 我就覺得好痛...(現在回想返, 都不是一件什麼的事了. 因為只要BB健康就得LU!)
回覆刪除[版主回覆04/05/2011 23:23:00]你好...果一刻我都係只係諗住BB要平安出世...
BB好得意呀... 肥嘟嘟又多頭髮..
回覆刪除好在都係有驚無險~ ^0^
見到你一聽到BB出世就喊, 令我諗起平日聽到啲媽媽話一見到BB出世就會喊都諗自己會唔會, 但我竟然生完果下仲傻下傻下, 返到病房睇見隔離媽媽同佢個BB囡講嘢時先感動到喊... D姑娘唔知可能以為我個BB有事或者產後抑鬱.. haha
. . . . . . . . . . . . . . .
回覆刪除