四週年結婚紀念日

結婚四週年紀念日, 我地去左食韓國菜

小B爸一向都唔鐘意依個國家既料理, 所以印象中, 我地冇試過兩個人去食

但前幾日我經過韓國燒烤店時, 聞到好香既燒烤味, 就話好耐冇食過

點知小B爸好有心咁响朋友介紹下帶左我去食, 真係諗到諗唔到

平時我地一定會去食日本野架, 但因為怕我唔食得太多, 所以今次唔會食

咁我就一心諗住會去食西餐, 點知估錯左, 反而有驚喜~

間野個侍應好細心呀, 佢上茶既時候, 竟然唔洗叫就俾杯熱水我, 真係第一次遇到

D野食都好好味, 連泡菜都俾我食清光, 個炆牛骨好入味, 又'林', 好想再食

小B爸仲要啤一啤~~~

食到好飽响尖沙咀行左一個鐘, 之後揸住架車漫無目的咁去到MEGABOX

跟住就上左去發記食左碗芝麻糊加湯圓, 玫瑰百合燉川貝, 好滿足~~



老公, I LOVE YOU~~~~