X'mas 2013 (影相篇)

今年小me對聖誕節多左認識
知道有聖誕老公公
有聖誕樹
識唱聖誕歌
但因為唔係教會學校
所以唔識耶穌
小me媽嘗試講俾小me知
但小me以為耶穌=爸爸既胡鬚

小me仲識話想去睇燈
但因為周圍都太多人
所以只係去少少地方
感受下節日氣氛, 滿足下小me

荃灣廣場雪人

 

荃灣廣場倒轉聖誕老人

 

海港城迪迪尼聖誕樹

 

新港城聖誕monchhichi

 

Citywalk 聖誕麥豬

 

2013聖誕造型

X'mas 2013

12月14日party with契姐姐妹妹
SK契媽係clubhouse book左BBQ
地方好, 景觀好
仲有好大地方俾小朋友跑跑跳跳


大合照先~

 


玩得好開心呀!

12月20日party at school
小me人生第一個學校聖誕party
期待左成個星期
 

著靚靚返學校開party~

 

 
12月24日平安夜, 買左個cake一家人在家平安渡過

唱首聖誕歌, 吹蠟燭~

12月25日聖誕節, 公公婆婆帶小me去playhouse玩
小me媽小me爸拍拖行街
之後一齊去TST食日本野

玩左成日既小me開心透~

12月26日boxing day
回到鄉村做村妹
同契爺爺嫲嫲去粉嶺摘士多啤梨


簡簡單單既節目
有依位小公主一齊
過得特別開心......

新加坡4日3夜之旅 (day 4 - Duck Tour & Newton)

13年12月9日 (第4天)

話咁快到左最後一日啦
因為10點要去坐duck tour
所以比前幾日早起身
食左少少面包就出發啦

坐MRT去City Hall落車
再沿住一個一個商場行去suntec city
因為要早半個鐘去到
所以有時間影下相

除左坐duck duck, 仲可以揀坐hippo bus

有時間影相, 仲有時間買野~

就係坐依隻鴨仔船啦~



Duck Duck會由地面落海再上返地面

幾得意架

Duck Tour全程60分鐘

船上有導遊介紹新加坡景點, 歷史

舒舒服服咁欣賞新加坡, 好玩~

落船後仲有d時間就坐MRT去Newton醫肚

一出站就見到熟食中心

但好多都未開門

先食左個海南雞飯(唔算好好味, 但唔難食)

又食左個魚粥

最後等到有海鮮食

去左咁多日, 小me爸終於食到滿足既一餐

(多謝小me契嫲嫲越洋推介)

正呀~

 
食飽就要去機場lu~

機場有個勁大playgroud, 小me媽都想玩呀
可惜我地要趕飛機

小me: 拜拜新加坡,我地返香港啦,聽日再黍啦

飛機起飛前因有乘客唔舒服
所以delay 左半個鐘
好彩小me都好合作, 好有耐性等飛機起飛
回程4個鐘小me睇下電話食下野就返到香港



回程有兒童餐食

今次旅程好彩帶左BB車去

否則應該好多地方都去唔到

雖然每日都行到好攰

但好開心

希望好快又可以再同小me坐飛機去旅行啦

新加坡4日3夜之旅 (day 3 - Sentosa & Garden by the Bay)

13年12月8日 (第三天)
 
聖淘沙係新加坡既旅遊區
我地點都要去'到此一遊'
 
先坐MRT (小me話點解日日都係坐MRT
小me媽話去沙灘, 小me話坐爸爸架車去 ><
下次旅行要帶埋MM仔(爸爸架車)去先得啦~)
去到Habour Front 落車
係Vivocity 既food court食野先
食左叻沙, 肉骨茶, 檑茶配粉, 魚旦粉
 應該就唔多正宗
但總算係地道野, 而且好肚餓
冇要求下都食得過
 


好大棵聖誕樹, 影張相先~



入聖淘沙島可以坐䌫車, 巴士, 行路
而我地就坐單軌列車

 

到左聖淘沙可以坐島上既巴士周圍去

但我地鐘意行, 睇下野





Songs of the Sea夜晚有show睇架
聽講仲好精彩
可惜我地時間有限
留待下次吧

 

一到沙灘就要除鞋

小me見到沙灘好開心呀
要除鞋, 仲話要swim
不過玩下沙, 踢下水就好啦
(明明响香港既沙灘好怕沙架)
 

同小me爸玩水, 玩到全身𣺝哂

聖淘沙既海灘, 水唔算好清, 但比香港乾淨
沙就比香港既舒服幼細, 唔會吉腳
最好既係唔多人, 就算假日都冇咩人架
(可能佢地全年都可以swim)
 

必到景點-全家褔

之後就係去Underwater World
聽講海洋公園好過佢
我地入去比較下

可以摸魚架, 不過小me唔敢摸

 

依兩父女都係戲子黍架~

好快就行完, 的而且確Ocean Park好過佢
Dolphin Show 得15分鐘, 冇咩特別
離開Underwater World就落大雨啦
 

午睡中都要影下相, hehe

慢慢行返去坐單軌車, 去Waterfont 站落
Universal就係依個站啦
但我地今次旅程唔會去
因為小me仲細, 未識玩啦

影張相留念算啦~

又係時候醫肚
馬來西亞食街好多野食架
我地食左咖哩同串燒, 唔錯喎~

 

離開Sentosa啦
下一站去Garden by the Bay
坐MRT Bayfront Station 落車
 
濱海灣花園好大
可惜既係落大雨
冇辦法慢慢行
又影唔到靚相

大雨到小me媽要著小me件雨褸

實在太大雨, 加上新加坡既雨係可以落足一整天
唯有買飛入去dome睇野
有兩個dome, 一個係睇花, 一個係睇水
 



小me話要同波羅影相

 


邊個可愛d呀?

Flower Dome有各式各樣既花
有好多位置都可以影到靚相

之後就去對面既Cloud Forest Dome
一入去已經覺得好壯觀
個瀑布好高, 有燈射埋去真係好靚
仲可以上到最高慢慢行落黍
 

好靚呀~

 

係瀑布中間啦, 好好feel~

 


就係咁行返落去, 兩邊係通lone, 可以望到地下



兩個Dome比較, 小me媽覺得Cloud Forest Dome特別d
因為有個好高既waterfall
不過入面好凍, 好彩小me著左長褲

行完兩個dome仲未停雨
唯有係附近揾野食
唔記得食過咩, 只記得麻麻地好食
醫左肚就算, 返酒店訓覺

新加坡4日3夜之旅(day 2 - China Town & Singapore Zoo)

13年12月10日第二天

朝早先去China Town揾野食
坐MRT Outram Park落車行過去
選擇左一間大排檔食早餐
叫左魚雲粥同魚旦粉

之後行下china town
好似HK既廟街
小me爸同姑婆入左一間寺廟
小me媽同小me响門口拜下冇入去


等小me爸中, 冇野做, 做下model

 


寺廟好大, 小me爸同姑婆行左好耐

等到小me急wee, 小me媽周圍揾廁所
廟前有個買雪糕餅既叔叔好好人
話我知廟入面有廁所
見我推住BB車, 仲叫我放低, 佢幫我睇住
仲請左小me食一塊餅呀

去完wee wee出來, 見到小me爸
小me媽就話要幫襯叔叔買個雪糕餅
點知小me爸買左個榴槤味
仲要小me, 小me媽同姑婆分甘同味
但只有小me同爸爸分享



小me話好味><"

行完china town, 出發去ZOO
由China Town行去Hong Lim park 坐shuttle bus
坐shuttle比坐MRT/BUS快好多, 30分鐘左右就到
不過一日得兩班車, 有幾個上車點, zoo既website可以search到

班車遲左廿分鐘先到
我地仲以為冇得坐
正想去坐MRT
好彩最後都等到

一去到先醫肚
食左多士, PIZZA, 三文治
飲左5色益力多(一排有5種味, 其實有兩支係原味)



食完見到monkey, 小me好興奮
走埋去影相, 仲要握手 ^^

 
動物園好大, 有好多動物
園入面既所有monkey都係樹上面周圍爬
冇野欄住架

 

 

隻浣熊係小me身邊走來走去架

之後睇左Elephant show
幾精彩有趣, 小me好鐘意

行左一個下午, 要關門都行唔完成個zoo
諗住出去門口坐返shuttle返china town
點知full 左, 最後坐taxi (但等taxi都等左半個鐘有多)
由zoo坐taxi去china town大約SGD30

小me話下次再去過....

出到China Town, 諗住去出名既Smith Street食野
點知又係重建中........:><:

唯有揾間有少少地道風味既試下
叫左黑胡椒蟹, 炒菜, 炒飯

炒蟹好味, 不過食到隻手黑哂

 

小me學小me媽拎住野食影相

食飽飽散下步
行下行下行左去酒吧街
好熱鬧, 好多人

人仔細細既小me坐住BB車浦BAR 街

行左一陣返酒店沖涼訓覺lu
又熱又曬, 行左一日, 攰透........

新加坡4日3夜之旅(day 1-Singapore Flyer & Merlion)

13年12月6日 (第一天)

落左機兌好錢, 買左3G卡之後, 坐MRT 去酒店
V Hotel Lavander 唔大唔靚, 只係3星酒店
但勝在係MRT站上面,而且樓下就有野食, 仲係24小時
小me一上到房就除鞋上床跳, 開心到不得了
(咁多日都冇係酒店影過一張相><)
 
休息左一陣就出發
坐MRT去到Promenade Station, 出站後行過去
行左5分鐘左右就見到啦

小me: 轉轉轉係果度呀~

 
行到入去麼天輪下面係個小商場, 有野食, 有野買, 仲有....
 

小me最鐘意玩彈彈床 (SGD5/20mins)

 
玩完彈彈床, 去坐Flyer 啦
SGD33 per person, free for below 3...所以小me唔洗錢
而且我地選擇左買package for singapore flyer + duck tour SDG53, 抵d
 

我地包廂呀!!!

 

越上越高, 小me媽有d驚, 但小me仲係上面1跳來跳去

 

上到最高啦

 其實新加坡既夜景同香港既維多利亞景都幾相似
 
坐左30分鐘就落返地面
雖然坐一轉唔係平, 但小me媽覺得幾難得
 
之後係flyer下面既food court'大笪地' 食左少少野
再出發去Merlion, 由Flyer行過去要唔洗20分鐘
小me媽去旅行鐘意行路多過坐車
因為咁先可以睇到多d人地地方既事物
 

指定景點影相動作, 小me好合作, haha

 

 

每晚都有既water show

睇water show要去對面先睇到, Merlion依邊只睇到激光
小me覺得靚過香港既幻彩fing香光, 可能係人地個天夠黑

到Merlion一遊後, 就去揾宵夜食
最近當然係去老巴刹
一心期待去食串燒
行左20分鐘, 去到目的地, 但揾唔到個熟食中心
即刻上網揾下, 原來關閉重建中, 真係激死人
最後食唔到宵夜, 又行到攰, 坐返MRT返酒店
仲要有少少迷路, 電話又冇電, 冇左GPS, 行左好耐先揾到個MRT站

小me已經頂唔住