校園新生活

2013年8月8日小me入學啦

著起套校服又可愛又醒目

第一日返學有媽媽陪, 冇難度啦
入校門前仲好期待, 好興奮
入到去就呆呆豬
老師唱歌跳舞, 小me當睇show
好彩仲識玩玩具, 排隊去wee wee, 自己食茶點
小me媽盡量放手, 做陪客
小me冇扭計, 只係間唔中會揾下我
老師叫佢就有d怕醜
一個鐘好快就過去, ting dong ting dong ting dong 放學

放學最開心

第二日冇媽媽陪lu
小me媽去接放學時見到小me面冇表情
老師話喊左一陣, 有玩下玩具, 有自己食茶點
但全程呆呆豬

放左兩日假, 第三日返學
去到門口就喊啦, 陰公豬
但老師話只係喊左一陣, 有玩具玩冇喊

之後因為打風又放左兩日假
第四日換校服已經喊住話唔返學啦

第五第六日仲要前一晚訓覺時已經講定先

最後小me用左兩個星期先唔再喊
放學返來仲會唱學校歌
之後仲好快記得同學仔既名
朝早返學遇到同學會介紹俾小me媽識
睇見小me既進步, 小me媽好開心

跑去返學的背影, 小me媽好感動