先講下小me媽, 由全職媽媽轉做半職媽媽, 到依家在職媽媽
多得舊公司老細同同事既厚愛, 又可以繼續揾錢
返工有返工既好, 多左收入自然可以食好D, 玩多D, 買多D...HAHA
至於小me就由小me姑婆照顧
而小me已經係一位PN生
上午由小me媽送返學, 下午姑婆接放學
食飯, 午睡,玩...一直到媽媽放工返屋企
沖涼, 晚飯, story time, 睡覺...
雖然相處時間好少, 但依段時間小me媽會放棄一切
全副精神陪住小me..
講下小me既近況先...
去到邊小me都俾人讚講野好叻
得而且確依家既小me係有問有答
識表達自己, 識問好多問題, 唔明唔知唔識都會問
問到你暈, 問到你唔識答 ><
又識講電話, 正正經經咁講, 好好笑
奶奶已經戒左, 水果, 蔬菜, 好鐘意食, 咩湯都肯飲
完全唔會揀食, 而且都算自己肯食, 唔會扭計要餵
所以小me媽唔擔心佢食野, 只係偶然勞氣掛住玩, 食得慢
知道放假, 就會問去邊
平時好少去街, 所以星期六日小me媽都會帶小me去玩下
最鐘意去公園, 'R' 即玩具反斗城, playhouse
大個左有主見, 會提議去邊度, 食乜野, 小me媽盡量都唔會reject
如果真係順唔到佢意, 會俾佢二選一, 總算俾佢話到事
Trouble 2既小me經常唱反調, 越叫越走
但相信每個小朋友都係咁
小me媽唔想做惡媽, 加上小me依家會講:mami, 你唔好嬲我啦
真係心都軟哂
所以小me媽努力揾緊方法可以教好小me, 又唔會傷感情....
沒有留言:
發佈留言