早幾個月前, 我同小B爸透過培幼會助養左一個非洲兒童, 後來收到介紹佢既
一封簡介信, 仲叫我地寫封信俾個小孩, 我心係好想同佢通信, 但一直諗唔到
第一封信寫咩好, 所以放低左幾個月, 終於抽左小小時間, 用筆寫左封好簡單,
只有幾行, 加少少低B圖既信....
自從中學畢業之後, 已經好少用紙同筆親手寫一封信, 但無論係10年前學生妹
定10年後既準媽媽, 將寫好左既一封信寄出後, 都會期待住對方既回信...
助養兒童係我好耐之前已經好想做既一件事, 每次响電視睇到落後地方既小朋
友生活有幾辛苦, 我一定忍唔住流眼淚, 每個人都冇得選擇出生响咩地方, 佢地
一出世就要捱窮, 捱苦, 真係好可憐, 見到佢地, 我感受到幸福同快樂唔係必然,
好希望小B將來都會明白到'知足常樂', 會珍惜擁有既一切~~
沒有留言:
發佈留言