11月17..返威院做檢查, 今次由姑娘講返上次做結構照聲波既結果, 一切正常,
但姑娘補多句, 唔係100%....
今次個姑娘好好, 有問必答, 仲解釋得好清楚...
聽小B妹心跳時, 小B妹唔多合作, 碌黍碌去, 姑娘揾左一陣先揾到, 但未聽到幾
下, 小B妹又碌左去, 姑娘都叫佢做'臭豬', 好好笑~
我問姑娘小B既體重, 佢答我依家咁早知道都冇用, 知道個SIZE同周數刎合就
已經足夠, 到預産期前先計BB重量都唔遲...
我又問姑娘我既體重, 四星期重左3.7KG, 姑娘話唔洗重咁多wo, 係唔係我食得
太多呢, 但我只係食早,午,下午茶同晚餐, 除左早餐豐富左, 其他既份量都係
一般, 咁要唔要食番少D呀, 好驚之後做檢查, 姑娘話我重得太多><
下次覆診可以去返健康院, 唔洗小B爸再一早車我出去lu, 希望健康院冇咁多
人, 唔洗等好耐啦, 响醫院真係冇3個鐘都唔走得....
你四個星期重左3.7KG好似又真係多左少少喎~
回覆刪除我返瑜伽果度叫我地唔好重咁多呀~
一黎之後好難減，二黎好易有糖尿病~
[版主回覆11/24/2010 11:54:00]真係太多？之前我一直冇咩點重架，係今個月先重，咁我要注意下每餐份量先得啦...我問姑娘要唔要飲糖水，佢又話我唔係高危，唔洗特別check,係唔係唔一定要check架？
一個月重咁多，係唔係食多左好多野?
回覆刪除同埋，有冇每一次睇醫生都驗尿先?
我就差唔多到而家先重8磅
[版主回覆11/24/2010 13:39:00]係比之前食多左少少, 但已經節制住自己..
每次都一定要驗尿架, 其實醫生冇特別話我重, 我問佢先講~
我一個月都8磅喎, 你到依家先8磅, 我諗我真係重得太多....
我都係重左咁多, 但護士又無話我多喎! 我而家total 重左17磅, 睇醫生都無人話過我過重呢!
回覆刪除[版主回覆11/24/2010 17:26:00]我total又冇重17磅咁多呀, 只係今個月突然重多左...