11月8, 去威院做結構性檢查, 照下小B整體結構同心,肝仔等等既地方有冇出現
先天問題, 對小B黍講係大考, 所以小B爸都請假陪我一齊去....
一心以為可以見下小B, 點知個電視對住醫生, 我冇得睇, 而小B爸雖然睇到, 但
只係見到一舊舊雲, 根本唔知係小B既邊部份...
醫生全程30分鐘都冇講野, 加上一開始佢叫我地有問題照完先問, 所以我地都
冇出聲, 我照到真係想訓, 後來醫生話有某幾部份未照到, 要等小B轉身, 所以
我地出左去行個圈, 第二次照左15分鐘, 醫生依然冇講任何野, 最後只係話:
OK啦, 大致上冇咩問題.....正當我落床, 整理衫褲時, 醫生已經出左門口, 再講一
句: 你地走得啦....我同小B爸好無奈咁對望, 出到去, 已經冇哂人, 因為已經係食
LUNCH時間, 醫生應該都係趕食飯啦........
雖然聽到醫生講冇問題, 應該係好放心, 但難得醫院有一次照U/S, 我諗左幾個
問題準備問, 但一個都問唔到, 個心好唔安樂, 好似有野未完成咁....
無辦法啦, 唔洗錢, 唔要求得咁多, 只要小B健康, 就應該心滿意足.....
小B又有禮物, 都係小B姑姐送架!!!
唔洗錢做，可能個醫生見你冇特別野都唔講咁多呢
回覆刪除[版主回覆11/12/2010 23:25:00]係啦.唔洗錢就係咁, 不過之前幾次既姑娘同醫生都好NICE架
唉!!!係政府做檢查就係甘ga la!! 不過 最緊要都係聽到醫生個句 "正常".. 甘就快心晒!! 我今日去健康院檢查時.. 仲比個姑娘串左我兩句 -算啦, 我當聽唔到.. 唔好令自己唔開心!!
回覆刪除[版主回覆11/12/2010 23:38:00]我上次去健康院又OK wo, 個姑娘好好呀, 仲叫我一定要餵人奶, 生完之後返去, 佢地會教我點餵~~