劉德華演唱會

小B爸為我安排既特備節目係睇劉德華演唱會

華仔年代, 我並冇太瘋狂咁鐘意佢, 但到佢依家50歲人, 我竟然有興趣睇佢既

concert...話佢真係好靚仔,又唔係靚得咁緊要, 不過就有份味道, 可能我唔再係

妹妹仔, 會鐘意D比較成熟既男人...話佢唔老咩, 其實佢既眼袋已經好大, 跌左

落黍, 不過睇落又真係唔似50既, 最佩服係佢依然可以又唱又跳, 有氣有力開

十幾場...我最鐘意係佢既大方同一份幽默感....

可惜, 嘉賓係溫拿

但今次我係陀左小B去, 睇得唔夠興奮, 要控制住自己,唔可以大叫, 唔可以大

動作咁搖, 一路都好驚音樂太嘈影響到小B, 又驚突然既煙火巨响嚇親佢, 所以

用左頸巾, 褸, 同手袋遮住個肚, 再加埋我同小B爸既手按住, 希望將佢聽得到

既聲浪減到最細, 但小B成晚都有郁架, 尤其快歌, 有好嘈既鼓聲, 佢就會响

肚肚入面轉, 唔知係dancing定係表達不滿....